Little Ride Riding Hood(mungkin nama sebenar) sorang gadis sunti yang memakai hood merah yang baru dibalinya di Millimewah atu telinggang-linggang kan menuju kerumah ninigirl nya di subarang kampung salnya ninigirlnya minta dangani main RockBand yang baru dibalinya kemarin sempana mother's day..
On the waynya kesana atu, ada ia nampak Big Bad Wolf (nama sebenar) duduk-duduk sebalah sungai damit sorang-sorang.
Little Ride Riding Hood : Bwohhh, basar mata you atu jeng!!!
Dangan riak muha macam belacan alum betutuk, Big Bad Wolf atu pun melumpat and lari dari sana dangan kelajuan 70 batu sejam.
Little Ride Riding Hood pun menaruskan pejalanannya lagi kerumah ninigirlnya until nampak ia lagi Big Bad Wolf atu yang tangah sandar-sandar arah belakang puhun pinang macam orang menunggu bas. Astee..
Little Ride Riding Hood : Bwohhh, basar telinga you atu Jeng!!!
Skali lagi, Suut!! Suut! Suut! Big Bad Wolf atu bekirik and lari dari sana and hilang dari pandangan mata that girl...
Dalam 2 kilometer perjalanan kerumah ninigirlnya atu, what a surprise ada ia lagi Big Bad Wolf atu, tapi kali ani sebalah busut ia macam orang kan minta numbur.
Little Ride Riding Hood : Bwohhh, basar gigi you atu Jeng!!!
Inda semana-mana and inda me sangka, cempedak menjadi kurma, Big Bad Wolf atu pun hilang sabar, di lumpati Little Ride Riding Hood and beterais sekuat-kuat suara macam Mariah Carey kana sunat..
Big Bad Wolf : HHHhhhoooii! Inda ko paham ka manis? Jangan tah mengacau kediaku bah.. orang kan beria pun inda besanang eh!!!
Little Ride Riding Hood : !@#$%^& *baik bawa mengucap*
Subscribe to:
Post Comments (Atom)
0 comments